شنت الإعلامية بسمة وهبة هجوما حادا على ابنة خيرت الشاطر وكل الشامتين في حريق الجونة قائلة: خديجة خيرت الش

حريق,الجونة,بسمة وهبة

رئيس مجلسى الإدارة و التحرير
محمود الشويخ
رئيس مجلس الأمناء والعضو المنتدب
محمد فودة
رئيس مجلسى الإدارة و التحرير
محمود الشويخ
رئيس مجلس الأمناء والعضو المنتدب
محمد فودة

بسمة وهبة تهاجم خديجة خيرت الشاطر بسبب حريق الجونة: عمركم شفتم سواد كده

الشورى

شنت الإعلامية بسمة وهبة، هجومًا حادًا على ابنة خيرت الشاطر، وكل الشامتين في حريق الجونة، قائلة: خديجة خيرت الشاطر طلعت لسان الشماتة ولعبت دور الإله وكأنها تعلم الغيب، وعلى طول حددت سبب الحريق في مهرجان الجونة

وقالت وهبة، خلال ببرنامجها "90 دقيقة" المذاع عبر فضائية "المحور"، مساء الأربعاء: طبعا زى ما هو واضح في كلامها إن سبب الحريق غضب ربنا، متسائلة: عمركم شوفتم سواد قلب أكتر من كده؟، طيب عمركم شوفتم جرأة على الله أكتر من كده؟.

 

وأضافت مقدمة برنامج "90 دقيقة": خديجة قررت بصفتها إخوانية إنها أعلى من الكل ومن حقها تحدد مصائر الناس، مش بس كده دى من حقها تحدد ربنا بيعمل ايه وليه؟، مضيفة: بأى حق بتحددى مين الأفضل ومن الأوحش ومين اللى رايح الجنة ومين اللى رايح النار، ومين قالك ان الكوارث أو الحرايق دى عقاب ربانى للناس الوحشة، مكتب الإرشاد اتحرق يا أستاذة خديجة، إشمعنى دى تبقى محنة وابتلاء وأى حاجة تحصل لحد غيركم يبقى عقاب؟.

 

وتابعت الإعلامية بسمة وهبة: محتاجين بقى كل المؤسسات اللى ليها علاقة بالعقل والفكر تعمل بإخلاص وضمير عشان تخلصنا من الإرهاب وأفكار التطرف، الإخوان زي الضباع والوطن بالنسبة لهم فريسة عاوزين ينهشوا لحمها، فيحولوا كل كارثة إلى مناسبة للشماتة والتشكيك