الجمعة 19 أبريل 2024 - 20:11
السيسي من هيئة قناة السويس: تضحيات شهداء الوطن ثمن تم تسديده لمكافحة الإرهاب
مصطفى محمود
قال الرئيس عبد الفتاح السيسي، إننا لن ننسى الفترة الصعبة التى شهدتها الدولة المصرية وتم تناولها فى دراما رمضان، متابعا: "الدراما اللي اتقدمت واللي لازم تقدم أكثر من كدة.. فكرتنا بأيام صعبة.. ومرت بفضل الله ثم بتضحيات شعب مصر.. كل أسرة قدمت شهيد.. فى أى قطاع من قطاعات الدولة.. الجيش والشرطة والقضاء والمساجد والكنائس".
وأضاف الرئيس السيسي، خلال كلمته فى افتتاح عدد من مشروعات التطوير فى هيئة قناة السويس: "ده كان ثمن تم تسديده لمكافحة الإرهاب.. فى يوليو عام 2013 قولنا فيه إرهاب محتمل.. بذكر ده دلوقتى ليه.. لما قولنا إرهاب محتمل الناس كانت بتقولى إرهاب.. الدولة لديها رؤية.. وفيها دراسات وتقديرات موقف شايفة وتستشرف المستقبل.. التحدى كان كبير أثناء الأزمة.. كان ممكن نهتز ومش بنتلخبط".
وتابع الرئيس السيسي: "رد فعل لشعب خايف على بلده.. آلاقى الناس بتتألم أوى.. أقول طبيعي وخايفين على بلدهم.. الأمور بفضل الله وبفضل التضحيات تتحسن وهيجى علينا وقت مش بعيد أوى.. ونقول هذا الأمر تم تجاوزه تماما".
